Pristilboda strekk seg frå 857 til 961 millionar kroner. Statens vegvesen vil no kontrollrekne tilboda, og det er venta kontraktsignering i april.
Tilbydar:
Hæhre Entreprenør AS: 857.462.866,74
Leonhard Nilsen & sønner AS: 936.092.840,18
AF Gruppen Norge AS: 936.613.387,00
Bertelsen & Garpestad AS og Veidekke AS: 952.936.803,27
Skanska Norge AS: 960.504.725,00
Strekninga Varpe Bru – Smedalsosen består av 14 km veg i dagen og seks kilometer tunnel. Kontrakten startar nokre kilometer aust for Tyinkrysset, strekk seg over fylkesgrensa og til Smedalsosen, der ein møter vegstrekninga Smedalsosen-Borlaug, som skal fullførast i år.
- Prisnivået er omtrent slik me hadde forventa, og fem tilbod gjer at det er god konkurranse om å få byggje vegstrekninga, seier prosjektleiar Odd Erik Haugen.
Arbeidsstart på Varpe Bru – Smedalsosen er venta på våren/forsommaren i år, og strekninga skal stå klar til bruk i 2017.