Seksjonsleiar planseksjonen i Stavanger

I Statens vegvesen Region vest er det ledig stilling som seksjonsleiar. Stillinga er knytta til planseksjonen ved ressursavdelinga i Stavanger. Kontoret har i dag 39 medarbeidarar og har ansvar for formell planlegging og prosjektering/ konkurransegrunnlag. Ytterlegare vekst gjer at kontoret i Stavanger no skal delast i to einingar. Noverande seksjonsleiar vil få ansvaret få ein av einingane, og det er for den andre eininga vi no lyser ut etter seksjonsleiar. Vedkommande seksjonsleiar vil få personalansvar for mellom 20-25 medarbeidarar.

Ressursavdelinga er intern tenesteleverandør for Region vest. Avdelinga utfører rådgjeving, spesialistfunksjonar og tekniske tenester for dei andre avdelingane i regionen. Totalt er det ca. 260 tilsette som er organisert i seks seksjonar.

Ved planseksjonen er det i dag 85 medarbeidarar fordelt på kontora i Leikanger, Bergen og Stavanger og seksjonsleiinga er eit team på tre personar som no vert utvida til fire.

Seksjonen har ansvar for desse arbeidsoppgåvene:

• Vegplanlegging - utarbeiding av kommunedelplanar og reguleringsplanar etter plan- og bygningslova

• Prosjektering, byggjeplanlegging og utarbeiding av konkurransegrunnlag

• Overordna planlegging/vegutgreiingar og konsekvensutgreiingar og analysar

Kvalifikasjonskrav:

• Eksamen frå universitet eller høgskule innan vegfag eller annan relevant utdanning/praksis som er nødvendig for å dekka stillinga

• Erfaring innan stillinga sitt ansvarsområde

Eigenskapar som vil bli vektlagde:

• Leiareigenskapar og faglege kvalifikasjonar

• Resultatorientering og samarbeidsevne

• Evne til heilskapstenking, nytenking og utvikling

• At du passar inn i eit heilskapleg leiarteam

Vi kan tilby:

• Løn etter avtale, jamfør etaten sin lønspolitikk

• Interessante og utfordrande arbeidsoppgåver

• Eit triveleg arbeidsmiljø med gode velferdsordningar

• Skyss- og kostgodtgjersla etter Statens regulativ

• Fleksibel arbeidstid

• Gunstige pensjons- og låneordningar i Statens pensjonskasse

Søknad:

Statens vegvesen er oppteken av mangfald, og vi oppmodar difor alle som er kvalifiserte, til å søke jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.

Vi gjer merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjar varslast om dette.

Dersom du har teke heile eller deler av utdanninga di i utlandet, tilrår vi at den vert godkjend av NOKUT ( www.nokut.no).

Stillingane føreset godkjend sikkerhetsklarering eller at slik kan gjevast.

Nærare opplysningar kan du få hos leiar av ressursavdelinga Gunnar Søderholm

tlf 57 65 57 89 / mobil 952 59 709.

Stillinga søkjer du via vår jobbportal på www.vegvesen.no/jobb. Utlysningsnr: 3-003-14.