Siste ryddejobb ved Hardangerbrua

Statens vegvesen har lyst ut oppdraget med opprydding i anleggsområdet ved Hardangerbrua på Bu.

Oppdraget gjeld opprydding av tilsaman fire delområde, og frist for å gi tilbod er sett til 7. januar 2014. Det blir halde informasjons-møte for interesserte entreprenørar i Vallavik 20. november, melder vegvesen.no. Det er mange entreprenørar som har synt interesse for utlysinga. Omfanget av oppdraget er ein god del større enn tilsvarande entreprise i Vallavik, der kontrakten er på 3,2 mill. kr.

Det skal ryddast opp i det som har vore massedeponi og anleggsplassar for kontor og lager under byggjearbeidet på Hardangerbrua. Også området kring speiekammeret på Bu skal dekkast til.

Arbeidet blir utført i samråd med aktuelle grunneigarar. I hovudsak er det tale om tilbakeføring til jordbruksareal, men og mindre område til parkering og areal for bygg.

Arbeidet vil pågå vinteren og våren 2014.