Prosjektleiar energileiing i Bergen - Forsvarsbygg utleie

Publisert 05.11.2013 11:55

Forsvarsbygg er eit forvaltningsorgan underlagt Forsvarsdepartementet. Forsvarsbygg har som målsetjing å skape ei konkurransedyktig verksemd som kan levere etterspurde tenester innan eigedom, bygg og anlegg til marknadsretta prisar. Forsvarsbygg har Forsvaret som sin største og viktigaste kunde, men er ikkje ein del av Forsvaret sin militære organisasjon.

Forsvarsbygg Utleie er Noregs største eigedomsforvaltar. Gjennom vårt unike nettverk og kompetanse sikrar vi leveransar over helie landet. Vår viktigaste oppgåve er å skapa trivsel for våre brukarar og beboarar.

Firma	Forsvarsbygg Utleie
Fylke	Hordaland
Sted	Haakonsvern, Bergen
Søknadsfrist	17.11.2013

Spanande moglegheiter i ei moderne og framtidsretta verksemd!

Sidan prosjektleiaren innan energileiing har fått nye utfordringar, søkjer vi no etter ein ny dyktig prosjektleiar for dette fagområdet.

Hovudfokuset for marknadsområdet er å inngå, etablere og følgje opp leigekontraktar med militære leigetakarar for maksimal utleige av bygningsmassen i regionen; inkludert å ta seg av forvalting, drift- og vedlikehald samt utviklingsoppgåver (FDVU) etter avtale med leigetakar og/eller eigar.

På overordna nivå vert det utarbeidd tiltaksplanar og tiltakspakkar for kvart område. Tiltakspakkane vert utarbeidde, skildra og kontraherte anten gjennom rammeavtalar eller ved utlysing på Doffin. Omfanget er skildra og kostnader avdekte før dei kjem til gjennomføring. Då overtek marknadsområda ansvaret for installasjon og oppfølgjing. Denne stillinga vil vere ansvarleg for alle tiltakspakkar innan same område, og skal gje månadlege framdrifts- og kostnadsrapportar til program- og energiansvarlege.

Det er ei målsetjing for Forsvarsbygg at arbeidsmiljøet vårt skal vere prega av tverrfaglegheit, mangfald og likestilling. Vi ynskjer difor ei balansert fordeling på grunnlag av alder, kjønn og etnisitet i verksemda. Vi ynskjer å knyte til oss nye medarbeidarar med personleg og fagleg kompetanse som kan påverke bedriftskulturen positivt.

Forsvarsbygg kjem inn under føresegnene i Offentleglova – jf. særleg Offentleglova § 25.

Les meir om Forsvarsbygg på www.forsvarsbygg.no og på karrieresidene våre: www.forsvarsbygg.no/jobb

Arbeidsoppgåver

Leiing av tildelte tiltakspakker i gjennomføringsfasen og tidleg driftsfase fram til entreprenøren/leverandøren har dokumentert leveranse etter kontrakten
Gjennomføring i samsvar med Forsvarsbygg sitt kvalitetssystem
God økonomi-, usikkerheits-, framdrifts- og kontraktsstyring
I samarbeid med kunden sin representant for eigedomen delta i informasjons- og opplæringsaktivitetar for å sikre funksjonelle anlegg til lågast mogeleg driftskostnad
Følgje opp tildelte arbeidspakker
Sikre godt samspel og kommunikasjon mellom alle involverte aktørar i dei ulike fasane av prosjekta
Rapportere om framdrift og økonomi etter dei retningslinjene som gjeld til ei kvar tid
Hjelpe til med gjennomføring av andre oppgåver som har med energioptimalisering å gjere etter instruksar frå overordna
Vere i løpande kontakt og dialog om status med representantar for kunden og brukarar av bygg som er under ombygging
Formidle og følgje opp oppdrag innafor og utafor eige kompetanseområde
Gje innspel til drifts- og vedlikehaldsplanar
Delta i tverrfagleg samarbeid i marknadsområdet

Kvalifikasjonar