Les Byggeindustrien digitalt
Steinsvik er 57 år gamal, opphavleg frå Dalsfjorden og no busett i Volda. Han er utdanna ingeniør i bygg- og anlegg frå Møre og Romsdal Ingeniørhøgskole og diplomøkonom frå Handelshøgskolen BI. Steinsvik kjenner godt rådgivarbransjen etter å ha arbeidd 15 år i Grøner AS (no Sweco) i ulike stillingar, m.a. prosjektingeniør, prosjektleiar og divisjonsdirektør.
Etter denne perioden har han hatt leiande stillingar i fleire firma, m.a. adm. direktør i Landteknikk AL (no Skala Prosessteknikk) adm. direktør i ErgoSensia AS og internasjonal direktør i Synnøve Finden AS. Steinsvik har og drive eigen verksemd innan rådgiving. No arbeider Steinsvik som Vice President Infrastructure i Saferoad AS i Ørsta, og han har gjennom denne jobben og tidlegare arbeidstilhøve brei leiarerfaring frå utlandet.
Nordplan AS er eit fleirfagleg kompetansemiljø med lokal forankring ut frå våre fire avdelingskontor i Førde, Nordfjordeid, Ålesund og Vågå. Selskapet har 45 medarbeidarar som arbeider innafor fagområda Arkitektur, Landskapsarkitektur, Areal- og samfunnsplanlegging, Bygge- og anleggsteknikk og Prosjektadministrasjon.
Steinsvik tek over stillinga etter Ivar Bjarte Nord som held fram som senioringeniør i Nordplan AS. Steinsvik tek til i stillinga primo i oktober , og vil frå 1. november arbeide full tid i Nordplan AS.