Sagen Helgø tek første Ryfast-spadestikk i Stavanger

Måndag startar bygginga av den 14,3 kilometer lange Ryfylketunnelen frå Stavanger til Strand. Sagen Helgø får æra av å markere at bygginga av andre halvdel av tunnelen er i gong.

– No gler vi oss til å starte bygginga, seier prosjektleiar for Ryfast og Eiganestunnelen, Gunnar Eiterjord.

Statens vegvesen er byggherre og AF Gruppen er entreprenør for kontrakten. I tillegg til sjølve tunnelbygginga omfattar kontrakten massetransport, bygging av lokalveger, bru og gang- og sykkelvegar.

Sveitsiske Marti IAV Solbakk er godt i gong med bygginga av den andre delen av tunnelen, frå Solbakk i Strand. Entreprenøren starta på tunnelarbeidet i august.