Les Byggeindustrien digitalt- Me må sjå på tiltaka på nytt med tanke på gjera konkurransen meir attraktiv. Eit av tiltaka kan vera å dele arbeidet opp i mindre anbod innan kvart fagfelt, eksempelvis elektro, fjell- og frostsikring og grøftearbeid, seier byggjeleiar Olav Svendsen.
Omfattande arbeid
Dei opphavlege planane for utbetringsarbeidet i Svandalsflonatunnelen gjekk mellom anna ut på fjellsikring, vass- og frostsikring, grøftearbeid og elektroarbeid. All noverande vass-sikring i tunnelen skulle takast ned og byttast ut, melder vegvesen.no.
- Tunnelen er i dag skilta 4,20 meter høg. Skulle ein sikre veggane med plater vart tunnelen for lav, løysinga ville difor vere å utvide deler av tunnelprofilet. Dette må gjerast med sprenging (strossing), forklarer byggjeleiaren.
Det vart også lagt opp til eit omfattande grøftearbeid i tunnelen. Alle drensgrøfter skulle takast igjen samtidig som det vart lagt ned nye kablar for Telenor, Odda Energi og eigne kablar.
Ferdig med første del
Førebuingane til anleggsstart i tunnelen vart sett ut i eit eige anbod og dette arbeidet er ferdig.
- Gamlevegen som går på utsida av tunnelen skal nyttast som omkøyringsveg ved arbeid i tunnelen. Her er det gjort forsterkingsarbeid med utbetring av grøfter og nytt asfaltdekke, fortel Svendsen.
Det første anbodet omfatta også sprenging av snunisje for brøytebil og nisje for teknisk rom inne i tunnelen.
Prosjektet er no i gang med å utarbeide nytt anbodsgrunnlag. Etter planen skal det lysast ut ny konkurranse i løpet av våren 2014.
- Nøkkelord
- Statens vegvesen
- Anlegg