Fyrar opp nytt bio-anlegg

Publisert 30.08.2005 08:15

I oktober blir det alternativ fakkeltenning i Morgedal. Då tenner Morgedal Drift og Vedlikehald elden på biobrenselanlegget, skriv Varden.

Elden skal varme opp varmtvatnet til 95 grader før det blir sendt over til Morgedal Hotell. Anlegget som blir fyra på flis vil vera hovudenergikjelda for å dekke hotellet sitt behov for 870.000 kWh. Anders Råmunddal, Tarjei Gjelstad, Tor Haugen og Jakob Dyrkolbotn står bak selskapet som tar på seg rydding av kulturlandskap. Dei reknar med investering på to millionar kroner. Innovasjon Norge og BU-midlar har gjort investeringa mogleg.