T-forbindelsen opnar 5. september

Torsdag 5. september blir det offisiell opning av T-forbindelsen. Det nye vegsambandet opnar også for ordinær trafikk.

- Det blir ein merkedag for fylket. Dette har me venta på, og nå kan me endeleg opna det største vegsprosjektet som er gjennomført. Vegsambandet vil knytta fylket vår tettare saman, og betra trafikkflyten på Haugalandet. Dette gler eg meg til, seier fylkesordførar Janne Johnsen.

- Det er ei god kjensle å ha komme så langt som dette. Byggearbeidet tok til i 2009, men eg har jobba med planlegging og prosjektering sidan 2003, seier prosjektleiar Rune B. Sandven i Statens vegvesen.

- Dette er dagen me har venta på. Me ser fram til opninga med glede og begeistring, sier Aase Simonen, ordførar i Karmøy kommune.

Opninga var planlagt til mai, men måtte utsetjast på grunn av feil på kamerainstallasjonar i Karmøytunnelen. Sandven seier at dette er på plass no, melder vegvesen.no.

- No pågår ein stabilitetstest der Vegtrafikksentralen i Bergen testar utstyret som er bygd inn i Karmøytunnelen. I veke 33 skal vi gjennomføre ei stor brannøving der hovudpoenget er å stadfeste at ventilasjonen i tunnelen fungerer riktig ved brann og røykutvikling. Først når den er gjennomført kan vi få den endelege sikkerhetsgodkjenninga frå Vegdirektoratet, seier Sandven.

Når T-forbindelsen opnar vil ferjeruta mellom Skudeneshavn-Mekjarvik bli lagt ned. Dette skjer same dag som opninga.

Her kan du lesa meir om T-forbindelsen