Totalt fire entreprenørar hadde levert inn tilbod då fristen gjekk ut. Det lågaste tilbodet er på 257,3 millionar kroner, og det høgaste er på 339,2 millionar kroner.
Dei innkomne tilboda:
Veidekke Entreprenør AS 339 201 728 kroner
Risa AS og Kruse Smith Entreprenør AS 272 808 825 kroner
Implenia Norge AS og Bertelsen & Garpestad AS 261 019 352 kroner
Vassbakk & Stol AS 257 254 840 kroner
Prosjektleiar Asbjørn Opedal er nøgd med dei innkomne tilboda. Prisane ligg innanfor ramma for prosjektet sin totalkostnad.
– No skal vi kontrollrekne tilboda og sjekka at alle krav i konkurransegrunnlaget er oppfylt, så får vi sjå kven som får kontrakten til slutt, seier Opedal. Han reknar med å ha dette avklart i slutten av juni, og håpar difor at arbeidet kan ta til i løpet av sommaren.
Kontrakten gjeld bygginga av 2,8 kilometer ny Europaveg 134 gjennom Skjold i Vindafjord kommune. Prosjektet er del av Haugalandspakken, og skal vere ferdig til jul i 2015.
- Nøkkelord
- Anlegg