Regjeringa ønsker å sette i gang sju store prosjekt med ei samla kostnadsramme på 13,5 milliardar kroner. Dei tre største prosjekta er nybygg for kunst- og designhøyskolen i Bergen, nybygg for det nye universitetet i Ås og Veterinærinstituttet, og nytt Nasjonalmuseum på Vestbanen.
Med desse byggeprosjekta satsar regjeringa i 2013 større enn i "tiltaksåret" 2009. Då vart det sett i gong sju byggeprosjekt i samband med tiltakspakka mot finanskrisa.
Prosjekta det no er løyvd pengar til er:
*15 millionar kroner til nybygg for samlokalisering av Kunst- og designhøgskolen i Bergen. Kostnadsramma er foreslått sett til 1 037,8 millionar kroner.
*53 millionar kroner til nybygg for det nye universitetet i Ås og Veterinærinstituttet. Kostnadsramma er foreslått sett til 6 080 millionar kroner.
*60 millionar til nybygg for Nasjonalmuseet for kunst, arkitektur og design. Kostnadsramma er sett til 5 327 millionar kroner.12 millionar kroner til nytt teknologibygg ved Høgskolen i Sør-Trøndelag Kostnadsramma er foreslått sett til 686,2 millionar kroner.
*20 millionar kroner til rehabilitering av universitetsmuseet ved Universitetet i Bergen, fase 1. Kostnadsramma er foreslått sett til 328 millionar kroner.
*5 millionar kroner til rehabilitering av Statens æresbustad Grotten. Kostnadsanslag 12 millionar kroner.
*8,5 millionar kroner til nytt kjøkken og universell tilkomst til Håkonshallen i Bergen. Kostnadsanslag 18 millionar kroner.
- Nøkkelord
- Bygg