Les Byggeindustrien digitalt– Vi hadde venta at fleire entreprenørar kom med tilbod, sidan fleire var med på befaring i april og henta ut tilbodspapira, seier prosjektleiar Tor Arne Thorsen i Statens vegvesen.
Tre entreprenørar hadde levert inn tilbod då Statens vegvesen opna tilboda klokka 13:00 i dag.
Kruse Smith Entreprenør AS var lågast med 236 millionar kroner. Tyske Bilfinger Construction sitt tilbod er på 239 millionar kroner. Alpine Bau GmbH frå Østerrike leverte eit tilbod på 262 millionar kroner.
– Tilbodssummane er litt i overkant av det vi hadde forventa, men vi har fått god konkurranse då to av entreprenørane ligg tett på kvarandre i pris, seier Thorsen.
Prisane ligg innanfor ramma for prosjektet sin totalkostnad.
– No skal vi kontrollrekne tilboda, så får vi sjå kven som får kontrakten til slutt, avsluttar Thorsen.
Kontrakten gjeld bygginga av fylkesveg 46 Sandsfjordbrua, som blir ei 580 meter lang bru over Sandsfjorden.
- Nøkkelord
- Statens vegvesen
- Anlegg