Brigt Samdal blir ny regionsjef i NVE

Publisert 02.05.2013 15:35

Brigt Samdal er tilsett som regionsjef ved NVEs regionkontor i Førde. Samdal er i dag seksjonssjef i NVE og startar i den nye jobben 1. juli.

- Som leiar for NVE Region Vest vil eg arbeide med konkrete utfordringar innan flom- og skred for kommunane på Vestlandet. Eg ser fram til å leie eit kontor med mange fagleg dyktige og engasjerte medarbeidarar, seier Brigt Samdal i ei pressemelding.

Samdal har bakgrunn frå både det private næringslivet og offentleg sektor. Han har mellom anna jobba hos Fylkesmannen i Sogn og Fjordane, vore dagleg leiar i Sunnfjord 2020 og Flora Næringshage, og vore marknads- og kommunikasjonssjef for Sogn og Fjordane Energi.

Samdal tek over etter Gunnstein Brakestad som går av med pensjon etter nesten 30 år i NVE.